Ngā Whakamātautau o Te Reo Rangatira – Reo āpiti me ngā Kōnae Whakarongo e wātea ana - A2021/15a

Ngā Whakamātautau o Te Reo Rangatira – Reo āpiti me ngā Kōnae Whakarongo e wātea ana

Ko ngā ākonga e whakamahi ana i ngā whakamātautau NCEA ā-hiko o Te Reo Rangatira e āhei ana te whakarongo atu ki te whakamātautau mā te reo āpiti, ā, e āhei ana hoki te pānui. Ko te reo āpiti ka kōrero i ngā tohutohu, i ngā pātai me ngā rauemi, ā, ka whakaritea hoki mō ngā whakamātautau whakaharatau me ngā whakamātautau hei te mutunga o te tau nei.

Hei āpititanga, ko te wāhanga whakarongo o te aromatawai Te Reo Rangatira Kaupae 2 AS 91777 (Te whakarongo ki ngā tohunga reo) kua whakaurua he kōnae whakarongo. Nā reria, kāore he take mō te kaiwhakahaere te whakapaoho atu i ngā rekoatatanga o te aromatawai whakarongo mō tēnei kaupae. Mā te ākonga kē e whakamahi i tēnei wāhanga mā tana ake pūrere.

Mō tēnei aromatawai whakarongo, kei te ākonga te mana whakahaere hei āhea tīmata ai te whakarongo ki ngā kōrero katoa me te hoki anō ki ngā kōrero, whakarongo anō ai. Ki te tīmata te kōrero o te reo āpiti, tē taea te tūtatari te toai rānei i te kōrero.

Me mau purutaringa

Me whakamahi ngā ākonga i ngā purutaringa kia pai te whakarongo atu ki te reo āpiti, ā, whakaotihia rānei te aromatawai whakarongo AS 91777 mā te matihiko. Tirohia ki kōnei mō ngā taipitopito kōrero e pā ana ki ngā kōnae whakarongo ā-hiko me ngā herenga o ngā purutanga.

E wātea ana ētahi tauira

E āhei ana ngā kaiako me ngā ākonga te whakaharatau i te reo āpiti hou me ngā kōnae whakarongo mō te whakamātautau Te Reo Rangatira Kaupae 2 kua whakahoungia i te tau 2020, ka whakarewaina hei te tīmatatanga o te wāhanga 3 o te tau. Ka mutu, ko ngā whakamātautau tauira o mua kei te Student Exam Hub kei te paetukutuku o NZQA.