AS 92060 annotated exemplars

Ko te tauaromahi he tauira mahi ā te ākonga e whakamārama ana i te matū o te paerewa paetae. He mea āwhina i te kaiako ki te kōwhiri whakataunga aromatawai ki te taumata e tika ana.

Download all exemplars and commentary [PDF, 1.3 MB]

Level 1 Ngā Mahi a te Rēhia assessment resources (external link) - NCEA.education

Hei tohu i te Kairangi, ka tau te whakaputa whakaaro a te ākonga ki ngā ariā toi rēhia, ā, kia whai pānga ki ngā horopaki huhua noa.

E toru ngā āhuatanga tono ka toro atu e te ākonga:  

1. he mahinga toi, he putanga motuhake 
2. he whakaaturanga
3. He tuhinga. 

Ka tau te whakaputa whakaaro a ngā ākonga ki ngā ariā me te whakahāngai ki te ao whānui, arā:  

1. ka whakaahua i ngā hononga ki tō te ākonga iwi, rohe, taiao
2. ka whakaahua i ngā hononga ki ngā tikanga, ki ngā iwi, ki whenua kē. 

Ngā Mahi a te Rēhia: 1.1 Ngohe A - He Tuhi Pūrongo  (external link)
 
Tā te ākonga mahi 
 
Tauira A 
 
I mātakitaki te ākonga i tētahi whakaaturanga poi nāna anō i whiri i roto i tana katoa, ki kōnei i whakapuaki i ōnā whakaaro mō ngā toi rēhia i kitea e ia. I āta whakatakoto te ākonga i ngā tuhinga, kātahi, mō ngā kōrero whakapapa, ki kōnei whakapuakihia e te ākonga ngā kōrero mō ngā taiwhenua o Ngāti Kahungunu, ā, ki ētahi tīpuna o Tākitimu waka (1). Kārua, i tuku te ākonga i ngā kōrero tuku iho.  I tīkina e te ākonga te pepeha nō roto i a Kahungunu ki Te Wairarapa, hai kōrero tuku iho māna (2). Kātoru, i huri tōnā aro ki ngā kōrero atua, ki kōnei i kukume i ngā kōrero mō Māui rāua ko Mahuika (3). Kāwha, i tukuna āna ringaringa ki te kōrero mō te reo motuhake, i tō mai ia i ngā kupu, i ngā whakatauākī ake o Kahungunu ki Te Wairoa ki te ao mārama (4). Kārima, i paku whakamārama i ngā nuka toi i kitea e ia, ā, ki te hanga o ngā ā-ringa ki te manu kāhu (5), i whakakapi te ākonga i ngā kōrero mō ngā mātauranga motuhake, mā te whakamaumara i a tātau ki te urupounamu o te mātauranga Māori (6). Kāwhitu, he tō mai i ana rauemi e tautoko ana i tana rangahau (7). 

Hei tohu i te Kaiaka, Ka whānui te whakaputa whakaaro a te ākonga ki ngā ariā toi rehia i runga anō i te horopaki whānui o ngā toi. 
 
E toru ngā āhuatanga tono ka toro atu e te ākonga: 

1. he mahinga toi, he putanga motuhake 
2. he whakaaturanga
3. He tuhinga. 

Kua whānui te whakaputa whakaaro a ngā ākonga mō ngā ariā me te whakahāngai ki te horopaki whānui o ngā toi. Hei tauira, kua whakaahua i ngā hononga o ngā ariā ki ngā āhuatanga toi kē atu, arā, ngā whakaaro o roto, kōrero tuku iho, tirohanga o te wā. 
 
Ngā Mahi a te Rēhia: 1.1 Ngohe A - He Tuhi Pūrongo  (external link)
 
Tā te ākonga mahi 
 
Tauira E 
 
He reo ake e mōhiotia e te ākonga, nā konā ka kitea he uri nō te rohe o Ngāti Kahungunu (1). He mātauranga motuhake tēnei, arā, ko te haka wahine, ko Pōroteteke. He āhuatanga kāore e kitea whānuitia. Ka mutu, he āhuatanga motuhake i ahu mai i ngā mātauranga o te whare tapere (2). Koia nei te ao o te ākonga, me ōna hiahia mō ngā āhuatanga o te whare tapere (3). He hononga whakapapa tēnei, e whakakōrero ana i ngā tātai whakapapa (4). Koia nei te pānga mai o te ākonga ki iwi kē atu, ki te Te Motutapu a Tinirau i Rotorua, ki Te Arawa waka. Ahakoa te nui hoki o ngā wāhi puta noa i te Moana nui a Kiwa e kawe ana i tēnei ingoa, me tōna kōrero tuku iho, kei konei tonu tētahi (5). 

Kāore he rauemi i tēnei wā.