AS 92062 annotated exemplars

Ko te tauaromahi he tauira mahi ā te ākonga e whakamārama ana i te matū o te paerewa paetae. He mea āwhina i te kaiako ki te kōwhiri whakataunga aromatawai ki te taumata e tika ana.

Download all exemplars and commentary [PDF, 7.8 MB]

Level 1 Ngā Mahi a te Rēhia assessment resources (external link) - NCEA.education

Hei tohu i te Kairangi, ka tau te whakaatu māramatanga ki ngā tukanga toi rēhia kia whai pānga ki te mahi. 
 
Ko tā ngā mahi, he kōwhiri i tētahi whakataukī hei kaupapa mō tētahi whakaaturanga.  Ka waihanga te ākonga i tētahi tukanga toi e tika ana hei whakamāori atu i ngā āhuatanga matua o te whakataukī. 
 
Ngā Mahi a te Rēhia: 1.1 Ngohe C Te Reo Whakatauki  (external link)
 
Tā te ākonga mahi 
 
Ka whakaatu ngā mahi (1) i te māramatanga o te ākonga ki ngā ara tukanga toi, ā, ki te ara hoki i whai ia (2). Ko te tauira tuarua, koia nei te pūtake/whakaaro nui o te kaupapa matua o tēnei ngohe, arā, ko te hanga i tētahi whakaaturanga (3). Ko tā te ngohe, me noho tahi te kaiako me te ākonga ki te kōrero, ki te whiriwhiri i tētahi kaupapa (4). Koia nei te tauira whakataki toikupu a te ākonga (5). Koia nei te hua, te whakaaturanga (6). Koia nei te kōrero whakataki me te kōrero whakakapi o ngā mahi nei, o te hautaka. 

Hai tohu i te Kaiaka, Ka whānui te māramatanga a ngā ākonga ki ngā tukanga toi rēhia kia whai pānga ki te mahi. 
 
E toru ngā āhuatanga tono ka toro atu e te ākonga:

1. he mahinga toi, he putanga motuhake (mā te ākonga katoa ngā mahi)
2. he whakaaturanga (he kauhau, he ataata, he whakaari) 
3. he tuhinga.

Kua whānui te māramatanga ki ngā tukanga toi rēhia hei whakarite kanikani, kua whai pānga ngā tukanga toi rēhia ki te kanikani. 
 
Ko tā te wero o te tauira, he āta whakamahere i ētahi nukuhanga mau rākau.  Ko te whakaatu i te ara tukanga te mea nui, kāua ko te tū.  Me mōhio hoki te hunga pānui e toru ngā kaupapa me whakatutuki i roto i ēnei mahi arā:

• Nga mahi (1) 
• Ngā hua i puta (1)
• Ngā taunakitanga (1) (ko te tikanga o ngā 1 e toru nei, he tohu i ngā mahi rerekē kai roto i te tauira o te ākonga.  Ararā, ko ngā mahi i ako, ko ngā hua i puta me ngā taunaki o ngā mahi o te ākonga).

E iwa ngā tukanga i whakatakotohia e te ākonga, hai kōrero i ngā tukanga e whai ana i a ia. 
 
Ngā Mahi a Te Rēhia: 1.2 Ngohe A Kanikania!  (external link)
 
Tā te ākonga mahi 
 
Tā te ākonga mahi: Tauira A 
 
Ka whakaatu te ākonga i ngā tukanga, ngā wānanga kupu, ngā wānanga oro (2) (3), i ngā tukanga waihanga ā ringa i roto i āna tuhinga (4) (5).  Ka whakaatu te ākonga i tana tukanga mō te whakawhanake i ngā mahi (6) (7) (8).  Ka whakaatu hoki te ākonga i te tukanga o te tūhukihuki ā kapa me te pō whakatūwhera o tōnā whakaaturanga (9) (10). 
 
Ko tā ngā mahi, he kōwhiri i tētahi whakataukī hei kaupapa mō tētahi whakaaturanga.  Ka waihanga te ākonga i tētahi tukanga toi e tika ana hei whakamāori atu i ngā āhuatanga matua o te whakataukī. 

Hei tohu i te Paetae, ka whakaatu māramatanga ki ngā tukanga toi rēhia i runga anō i te horopaki ka tohua hei whai māna.  Kua whakaatu māramatanga ki ngā tukanga toi rēhia hei whakarite Kanikani.

Ngā Mahi a te Rēhia: 1.2 Ngohe A Kanikania! (external link)

Tā te ākonga mahi

Ka whakaatu te ākonga i tōna māramatanga ki ngā tukanga ako i tētahi mahinga patu (1). Ka wānanga tahi te ākonga me te kaiako mō ngā momo nekehanga me te karawhiu o te patu (2). Ka kōrero te ākonga ki ētahi piki ki ētahi heke i kite ia i roto i ana mahi (3). Ka kōrero te ākonga mō te ako i ngā āhei o te patu (4) me te pūkana (5). Ka whakamutu te ākonga i tana kōrero mā te whakapuaki i mutu pai ia i tana mahinga patu (6).