AS 92070 annotated exemplars

Ko te tauaromahi he tauira mahi ā te ākonga e whakamārama ana i te matū o te paerewa paetae. He mea āwhina i te kaiako ki te kōwhiri whakataunga aromatawai ki te taumata e tika ana.

Download all exemplars and commentaries [PDF, 14 MB]

Ngā Rauemi Aromatawai mō Pūtaiao (external link) - NCEA.education

Mō Kairangi, me parahau te ākonga i te mātauranga Pūtaiao o onamata, hei oranga mō te inamata me te anamata. 
 
Ka whakamārama te ākonga i ngā hononga o ngā mātauranga onamata hei oranga mō te inamata me te anamata (7). Ka āta tātari i ngā hononga o te Māori ki ngā tohu taiao (8). Ka parahau hoki te ākonga i ngā mātauranga hei whakarauora taiao e hāngai ana ki a Rangi rāua ko Papa (9). 
 
Pūtaiao 1.2 Ngohe B – Torotoro Mai!  (external link)
 
Tā te ākonga mahi 
 
Tauira A 

Kua whai hononga te ākonga i roto i ngā kōrero tuku iho o ngā atua ki te whakapapa o te whenua (7), ā, kua whakamārama i ngā mātauranga pūtaiao hoki. Kua tātari i ngā momo rautaki whakarauora i te whenua (8). Kua whai taunaki mō ngā mōhiotanga whakarauora kia whakapiki ake te mana o te whenua (9). 
 
Tauira E 

Kua kōrero te ākonga mō te mātauranga pūtaiao o te whenua (7) engari kāore anō kia whakamārama i ngā hononga ki te pūrākau. 

Mō Kaiaka, me whakamārama i te mātauranga Pūtaiao o onamata, hei oranga mō inamata me anamata. 
 
Ka whakamārama te ākonga i ngā mātauranga o onamata (4). Ka torotoro hoki te ākonga ki ngā hononga i waenganui i te tangata me ngā tohu taiao (5). 
  
Ka whakamārama hoki te ākonga me pēhea ēnei hononga e whakarauora i te taiao kua tautohua (6). 
 
Pūtaiao 1.2 Ngohe B – Torotoro Mai!  (external link)
 
Tā te ākonga mahi 
 
Tauira A 

Kua whakamārama te ākonga i te pūrākau o ngā atua e ai ki te Māori (4). Kua tautohu i ngā whakamahinga o te whenua i ngā wā onamata (5) me te inamata (5). Kua whai taunaki mō ngā mōhiotanga whakarauora kia whakapiki ake te mana o te whenua (6). 
 
Tauira E 

Kua whakamārama te hirangatanga o te wai ki runga i ngā whenua e noho nei ō tātou tūpuna (5). Kua whai taunaki mō ngā mōhiotanga whakarauora kia whakapiki ake te mana o te whenua (6). Kāore anō kia whakamārama te ākonga i te pūrākau o ngā atua e ai ki te Māori. 
 
Tauira I 

Kua whakamārama te ākonga i te pūrākau o ngā atua e ai ki te Māori (4). Kāore te ākonga i whakamārama i te hononga i waenganui i te tangata me ngā tohu taiao, kaupapa taiao rānei. Kāore hoki ia i whai taunaki mō ngā mōhiotanga whakarauora kia whakapiki ake te mana o te whenua. 

Kia eke ki te Paetae, me torotoro te mātauranga pūtaiao o onamata, hei oranga mō inamata me anamata. Ka whakaahua te ākonga i ngā mātauranga o onamata (1). Ka whakamārama i te kaupapa taiao kua tautohua (2). 
 
Ka whakaahua hoki te ākonga i ngā mōhiotanga whakarauora i te taiao (3). 
 
Pūtaiao 1.2 Ngohe B – Torotoro Mai!  (external link)
 
Tā te ākonga mahi 
 
Tauira A 

Kua whakamārama te ākonga i te pūrākau o ngā atua (1) me te whakapapa (2) o te whenua. Kua tautohu i ngā whakamahinga o te whenua i ngā wā onamata (2) me te inamata (2). Kua whakaahua i ngā mōhiotanga whakarauora i te taiao (3). 
 
Tauira E 

Kua whakamārama te ākonga i te pūrākau o ngā atua (1) me te whakapapa (2) o te whenua. Kua tautohu i ngā whakamahinga o te whenua i ngā wā onamata (2) me te inamata (2). Kua whakaahua i ētahi mōhiotanga whakarauora i te taiao (3). 
 
Tauira I 

Kua whakamārama te ākonga i te pūrākau o ngā atua (1) me te whakapapa (2) o te whenua. Ka tautohu i ngā whakamahinga o te whenua i ngā wā onamata (2) me te inamata (2). Ka whakaahua i ētahi mōhiotanga whakarauora i te taiao (3).