AS 92074 Annotated exemplars

Ko te tauaromahi he tauira mahi ā te ākonga e whakamārama ana i te matū o te paerewa paetae. He mea āwhina i te kaiako ki te kōwhiri whakataunga aromatawai ki te taumata e tika ana.

Tuku iho ngā tauaromahi me ngā whakamārama katoa [PDF, 553 KB]

Te Reo Rangatira: 1.2 Ngohe A (external link) - NCEA.education

Hei tohu i te Kairangi, me tōtōpū te whakamārama i te pānga o te horopaki ki te reo. 

Kia tutuki pai tēnei i te ākonga: 

• me matapaki ngā pānga o te horopaki ki te reo 
• me whaihua te reo o te whakamārama. 

Ka matapaki i ngā pānga o te horopaki ki te reo. 

Ka tautokona ngā pānga kua tautohua ki ētahi tauira, ā, ka kōrerohia ētahi hononga i waenga i ngā pānga, ngā hua rānei ka puta i te nohotahi o ētahi pānga. 

He whaihua te reo o te whakamārama.

He nahanaha te takoto o ngā kōrero, he arorau te raupapa o ngā whakaaro. He koi, he popoto te kōrero. He hāngai, he tika, ā, ka kotahi atu ki ngā mōhiotanga ki ngā pānga o te horopaki ki te reo. Ka whakamahia ētahi rautaki whakawhitiwhiti kōrero e mau ai te kaipānui, te kaiwhakarongo. 

Hei tohu i te Kaiaka, me hōhonu te whakamārama i te pānga o te horopaki ki te reo. 

Kia tutuki pai tēnei i te ākonga: 

• me whakaahua ngā āhuatanga motuhake o te horopaki 
• me whānui te māramatanga ki ngā pānga o te horopaki ki te reo ka kitea 
• me whaitake te reo whakamārama. 

Ka hōhonu te whakamārama 

He whānui tana mōhio ki te reo o te horopaki, ā, ka tāpiri i ētahi taipitopito hei whakaahua i te reo. Ka whakamahi i ngā mōhiotanga ki roto i ētahi tino horopaki. 

Ka whakaahua i ngā āhuatanga motuhake o te horopaki 

Ko ngā mea ka kitea, ka rangona i tāua horopaki tonu. 

Hei tohu i te Paetae, me whakamārama te pānga o te horopaki ki te reo. 

Kia tutuki pai tēnei i te ākonga: 

• me tautohu ngā āhuatanga motuhake o te horopaki (1)
• me whakaatu māramatanga ki ngā pānga o te horopaki ki te reo (2)
• me mārama te reo whakamārama (3). 

Tā te ākonga mahi (kei te whārangi e whai ake nei.

Kua tautohu ngā āhuatanga motuhake o te horopaki (1). Kua whakaatu mārama ki ngā pānga o te horopaki ki te reo (2). Kua mārama te reo whakamārama (3).