Lai te bitaki n aron karaoan aia ukeuke ataein te reirei n tai aikai man kabonganan te bebwa ao te kai ni koroboki nakon te kombiuta.
On this page
Tera bukin ae tia mwaing nakon te kombiuta?
E a bitaki ngkai aron te aonaba ae ti maeka iaona. E noraki rikiraken kabonganan te kombiuta ni kaineti ma maiura ao ara makuri.
Aron maiuia ara ataei ao aia konabwai e teretere man karaoan aia ukeuke ike a kabongana iai te kombiuta. Ara ataei a riai n tauraoi nakon tai aika imwaira ian te kantaninga are tan beku n tai akanne ana bane n riai ni mwatai ni makuri ma kombiuta.
Te mwaing nakon te kombiuta ibukin karaoan ukeuke ena buoka kateimatoan mamiran te NCEA, kakabouana n ira bibitaki te tai ao karinan iango aika a bou.
N te aro aio ao ena kinaki te NCEA n te aonaba bwa te bebwa ni bwati are e boutokai rikiraken aia konabwai ataein te reirei ni kaineti ma kabonganan aia bwai ake a kabonganai ni katoa bong.
Tera nanon aio ibukim ao am utu?
Karaoan aia ukuke ataein te reirei iaon te kombiuta e katereterea aia atatai ma mwataia ni kabonganan te kombiuta.
Te rabakau aio ena katauraoia bwa ana butiroko nakon te toronibwai nakon tai aika imwaira, ike ena rikirake iai kabonganan te kombiuta tiaki ti n tabo ni makuri, ma n te bong teuana nakon teuana ibukin reitaki ma maroro.
Tan anga reirei, botaki ni kawa, tabo ni makuri ao tabeman riki a bane ni buoka kabebetean reken te rabwakau aio ibukin angaraoin reken kombiuta, iphone n tabo aikai ao bukin naba kabongan te intanete n tabo n reirei.
E na reitinako kabongan te bebwa ao te kai ni koroboki ibukin karaoan ukeuke inanon aia tai tabo n reirei ni mwaing nakon te kombiuta.
Ti mena ia ngkoa ao tina nakea ngkai
Rimoa
2002-2004: E tei te NCEA bwa onean mwuin te bebwa ni bwati n te kauarinan, te bebwa ni karinrin nakon te katenrinan, ao te bebwa ni bwati n te koraki onoua.
2014-2018: E karaoaki te kakatai irouia 30,000 ataei ni kaineti ma kabonganan te kombiuta ibukin karaoan aia ukeuke.
Ngkai
21 karinanin bebwa n anga reirei ni irekereke ma ana itera ni kabwati te NCEA are 1, 2 ao 3, aika a toka ngkai iaon te kombiuta ibukin karaoan ukeuke ao a mwaiti riki aika a iangoaki tokaia n ririki aika imwaira.
E rianako nakon 200 tabo n reirei ao e riaon 20,000 ataein te reirei aika a tia ni karini araia bwa ana kabongana te kombiuta ni karaoi aia ukeuke n 2019.
Tai aika imwaira
Karaoan ukeuke iaon te kombiuta ena uoti kawai aika a kaokoro mani bou ni kaitara ma te bebwa ibukin kakaean ma norakin bwai aika ti te aekakina.
Te kombiuta ena kaoti man kamaiui tamnei ake a noraki iaon te bebwa, ataein te reirei ana kona n ongo warekan titiraki ao man wareware naba iaona.