You are viewing the Māori version of this page.
Mō Tūmahi Aromatawai Pātahi
Ko te Tūmahi Aromatawai Pātahi (TAPā), he rite ki te Common Assessment Activity. Ka whakamahi ā-matihiko nei i roto i tautono Assessment Master (Aromatawai Matua). Ko te ‘TAPā’ he kupukiri hei whakamārama i te aromatawai a-waho e whakahaeretia ana e ngā kura.
- Ka whakahaerehia te TAPā e te kura.
- Ka taea e te kura me ngā kaiako te whakarite mahere, whakarite wātaka rānei. Hei tauira, e toru ngā wānanga o te rā, 9-11am, 11.30am - 1.30pm, me te 2.30 - 4pm.
- Me aro atu ki te Tautuhinga Aromatawai Tarāwaho mō te roanga, arā 90 miniti.
- Ka tīmata te wā aromatawai i te takiurutanga a te ākonga ki a Aromatawai Matua.
On this page
Kete Manarua
Kete - ko te kete i pū mai i te pā harakeke me tōna whakapapa. Manarua – e rua ōna mana. Tuatahi, ko te mana o ngā taonga ka kohikohia me ngā mahi huhua ka whakatutukihia e te ākonga. Tuarua, ko te mana o te ākonga, ko tōna whānau, hapū, me tōna iwi hoki, ko tōna ake mana motuhake tonu.
He kohinga taunaki ākonga te Kete Manarua kua whakaritea mō te tāpaetanga matihiko, ā, mō te whakatutuki hoki i te Paerewa Paetae.
E pēnei ana te Kete Manarua nā te nui o ngā kōrero a ngā kura whakatauira i whakamātauhia ngā paerewa paetae i roto i ngā tau tata nei. He mea tautoko i te ako me te whakaako a ngā kaiako me ngā ākonga. E tika ana hoki me tautoko i te kohinga taunaki a ngā mahi me ngā kaupapa aromatawai urutapu noa (naturally occurring assessment) i roto i te tau.
- He tāpaenga matihiko a Kete Manarua, ā, ka whakaurungia e ngā kura he kōpaki o ngā taunakitanga ākonga pērā i tētahi hopu kiriata o tētahi mahi, he rātaka rānei.
- Me mōhio ngā kaiako me ngā ākonga ki te momo pūnaha e tika ana kia whakamahi. Ko te pūnaha tawhito, te pūnaha hou rānei
- Me tāpae i ngā Kete Manarua i mua i te rā aukatinga o NZQA.
Me pēhea te tāpae Kete Manarua
Ko ngā kōrero aratohu mō te pūnaha hou me te pūnaha tawhito kei te pae matua o NZQA.
Kimihia me pēhea te whakamahi i ngā pūnaha tāpaenga matihiko