Te Reo Māori

Tautuhinga Aromatawai Ā-Waho 2024

Download Te Hiranga Te Reo Māori [PDF, 163 KB]

He Kōrero Whakamārama mō Te Hiranga Te Reo Māori 93003

Me noho ngā whakautu mō Te Hiranga Te Reo Māori ki te reo Māori anake.

E toru haora te roa o tēnei whakamātautau ā-waho, ā, e rua ngā wāhanga e whakamahi ana i ngā pūkenga reo torohū, me ngā pūkenga reo whakaputa o te ākonga.

Ngā Rauemi

Kotahi anake te pukapuka mō tēnei whakamātautau ā-waho. Kei roto i te pukapuka ēnei whakamārama e whai ake nei:

• ngā tohutohu mō ngā wāhanga e rua
• ngā mahi mō ia tūmahi
• ngā whārangi e wātea ana mō te tuhinga roa
• tētahi whārangi whakamahere whakaaro.

Mā te kura te nuka me te pūmanawa tautono e tuku atu kia taea ai te whakarongo ki te wāhanga kōrero, kia taea ai hoki te hopu i ngā whakautu ā-waha a ngā ākonga.

Te Whakatakotoranga Aromatawai

E RUA ngā wāhanga o te whakamātautau, toru haora te roa:

Wāhanga Tuatahi: Pānui me te tuhituhi

Tūmahi Tuatahi: Pānui

• Pānuihia te tuhinga roa, whakautua ngā pātai .
• He reo ā-iwi te momo, he kāupapa whānui mō tētahi tikanga, Kaupapa rānei o te Ao Māori.

Tūmahi Tuarua: Tuhituhi

• Mā te ākonga e whiriwhiri tētahi Kaupapa hei tuhinga roa māna.
• Kaua e iti ake i te 500 kupu.

Wāhanga Tuarua: Whakarongo me te Kōrero

Kei tēnei wāhanga kā whakaatu anō te ākonga i tōna tohungatanga ki te whakamahi i ōna

pūkenga reo torohū (whakarongo),i ōna pūkenga reo whakaputa hoki (kōrero) kia āta hao i

ngā tini Kaupapa.

Tūmahi Tuatoru: Mahi whakarongo

• E toru ngā wā ka whakarongo ngā ākonga ki te whakapāohotanga kōrero.
• Hē kōrero tautohetohe te hanga.
• Tekau mā rima mēneti te roa ka tukuna mā te ākonga hei whakarāpopoto i te kōrero, nāreirā mē kaha arohaehae, tīpako i te mātū o ngā taha e rua.
• Mē āta whakarongo ki ngā whakatauki me ngā kīwaha.
• Mā te Kaiwhakahaere ngā pukapuka katoa e kohi.

Tūmahi Tuawhā: Kōrero ā-waha

• E rima meneti te roa o te whakaputa kōrero, ā, he kōrero tene te hanga.
• Kā haere te ākonga ki tētahi rūma motuhake, ki reirā hopukina i tana kōrero ki te kōpae; e te Kaiwhakahaere.
• Mā te ākonga e waitohu i tana kōpae.
• Mā ngā kura e tuku mai ngā kōpae kōrero a te ākonga.

Te Takotoranga

Te Wāhanga Tuatahi: Te Pānui me te Tuhituhi

I tēnei wāhanga ka whakaatu te ākonga i tōna tohungatanga ki te whakamahi i ōna pūkenga reo torohū (pānui), i ōna pūkenga reo whakaputa hoki (tuhinga roa) hei āta whakaō i ngā kaupapa huhua.

Te Tūmahi Tuatahi: He Pānui Aroā

• Pānuihia te tuhinga roa, ka whakautu ai ngā pātai.
• He reo ā-iwi te momo, ā, he kāupapa whānui e pā ana ki tētahi tikanga, he kaupapa rānei nō te ao Māori.

Te Tūmahi Tuarua: He Tuhinga

• Mā te ākonga e whiriwhiri tētahi kaupapa hei tuhinga roa māna.
• Kia kaua e iti iho i te rima rau kupu te roa o te tuhinga.

Te Wāhanga Tuarua: Te Whakarongo me te Kōrero

I tēnei wāhanga ka whakaatu anō te ākonga i tōna tohungatanga ki te whakamahi i ōna pūkenga reo torohū (whakarongo), i ōna pūkenga reo whakaputa hoki (kōrero) hei āta hao i ngā tini kaupapa.

Te Tūmahi Tuatoru: He Mahi Whakarongo (He Pāohotanga)

• Ka toru ngā pāohotanga o te kōrero hei whakarongo mā te ākonga.
• He kōrero tautohe te hanga.
• Ka tukuna te tekau mā rima meneti ki te ākonga ki te whakarāpopoto i te kōrero, nō reira me arohaehae, me tīpako te ākonga i te matū o ngā taha e rua.
• Mā te kaiwhakahaere ngā pukapuka katoa e kohi.

Te Tūmahi Tuawhā: He Kōrero ā-Waha

• He kōrero tene te hanga, ā, e rima meneti te roa o te whakaputa kōrero.
• Ka haere te ākonga ki rūma ke ki te hopu i tōna reo ki te kōpae.
• Mā te ākonga e waitohu tana kōpae.
• Mā ngā kura e tuku mai ngā kōpae kōrero a te ākonga.