Clarification details
Ka tautohu, ka whakamārama, ka parahau i ngā paearu
E tika ana kia whakawhānui ai te ākonga i tōna tirohanga ki ngā āhuatanga maha o te kōwhiringa. Mā reira ka kitea te whakaaro hōhonu o te ākonga i whakatakoto ai hei huarahi mā te kaipānui.
Ko ngā tauira mahi kua tuku mai, kua torutoru ngā kupu, kua pāpaku noa iho ngā whakamārama, ā, he uaua hoki te kite i te whānuitanga o ngā kōrero mai i ngā puna rangahau ruarua nei. Ko te whāinga ka whai kiko, ka whai mārama ngā whakatau hei whakatutuki i te hiahia o te tūmahi me ngā paearu o te paerewa.
Anei tētahi kaupapa hei tauira: E whakaae ana kia tāmokotia te tamaiti? Mā te āta wānanga i ngā āhuatanga katoa ka huraina mai. Ka kōwhiria e te ākonga t/āna whakatau. Ka tuhia ngā take hei tautoko, hei hāpai ake i tana whakatau. Mā te tuhi kōrero parahau me ngā kōrero taunaki e whakatenatena ake i ngā whakaaro o te ākonga.
Mā te āta rangahau, me te aromātai i ngā puna kōrero huhua hei taunaki i ngā kōwhiringa ka whakatau. Ko te uiui tangata tētahi momo rangahau anake, arā noa atu ngā momo puna rangahau hei whai, hei whakakao i ngā kōrero katoa mō ngā tūāhua huarahi mō te kōwhiringa.