Kōrero whakamahuki
Nō te marama o Hōngongoi 2015 i ara mai ēnei take hou i ngā mahi matairua.
Takina te aromatawai
E kī ana te paerewa paetae kia whakamārama i ngā āhuatanga e pā atu ana ki te tuakiri o te tangata. Ka kōrero mō ngā āhua o ēnei pānga ki te tuakiri ki tangata kē. Ngā wero, ngā taupatupatu, ngā taukumekume ki ōna mātāpono, ki tōna iho matua hoki. Ka whakaputa i ōna māramatanga me ngā pānga ki ēnei āhua, arā, ko tōna taha hinengaro, tōna taha whatumanawa me tōna taha wairua hoki.
Rauemi Aromatawai
Ahakoa e kī ana te rauemi aromatawai ‘ka tākina ki mua i te kāmera’. He tauira noa iho tēnei hei arahi i te ākonga, te kaiako hoki. Kotahi anake te aromatawai, he taki i tana kauhau me te whakatinanahia ki ngā taunakitanga. He tuhi pūrongo rānei. Kaua e mahi i te tuhinga me te kauhau hoki, anō nei, e rua ngā aromatawai.