O le auala o lo’o faia ai e tamaiti aoga a latou su’ega ua suia nei: mai le fa’aaogaina o peni ma pepa e fai ai su’ega i le fa’aaogaina o komepiuta.
On this page
Aiseā tatou te aga’i ai i su’ega i luga o auala fa’atekenolosi?
O lo’o tatou ola i se lalolagi o suiga. Ua fa’ateleina a’afiaga o tatou olaga ma galuega ona o auala tekenolosi.
Mo tupulaga talavou, o le fa’atinoina o su’ega i auala fa’atekenolosi e atagia ai tulaga o lo’o ola ma a’oa’oina ai. Ia lava tāpena i latou mo galuega i le lumana’i e ala i le iloa faitau ma malamalama i le fa’aaogaina o auala fa’atekenolosi.
O le si’itia atu i su’ega i auala fa’atekenolosi e fesoasoani ia i tatou mo le atia’eina o le NCEA, o se faailoga fa’aonapo nei, ma se fa’ailoga maualuga e lagolagoina ai tamaiti a’oga e fausia ni tomai latou te mana’omia i masini o le a latou fa’aaogaina i aso uma.
O le ā le uiga o lenei mea mo oe ma lou aiga?
O le faia o su’ega i auala fa’atekenolosi e atagia ai le tele o auala ua uma ona a’oa’oina ai le to’atele o tamaiti aoga.
O le iloa lelei o le fa’aaogaina o auala fa’a tekonolosi e tapena ai a tatou fanau mo se lumana’i manuia e fa’amoemoe lea i le fa’aaogaina i galuega aemaise o fesoota’iga i lea aso ma lea aso.
O faia’oga ma le au su’esu’e, o paepaega o tagata, pisinisi ma isi o lo’o fesoasoani ina ia fa’afaigofie auala e maua ai masini e fa’aaogaina fa’apea ma le initaneti i totonu o a’oga ma aiga.
O su’ega o lo’o fa’aaoga ai pepa o le a fa’aauau pea ona ofoina atu a’o agai atu a’oga i suiga fou o a’oa’oga fa’atekenolosi.
O fea sa tatou i ai a’o fea foi o lo’o tatou agai iai
Tuana’i
2002-2004: Fa’alauiloa le NCEA, suia le Tusi Pasi o le School Certificate; Tusi Pasi e ulufale ai i le Iunivesite (University Entrance); Tusi Pasi o le Vasega 6 (Sixth Form Certificate), Tusi Pasi o le University Bursary.
2014-2018: Fa’ata’ita’i suega i auala fa’atekenolosi i le sili atu i le 30,000 tamaiti aoga mai le tele o a’oga.
Taimi Nei
21 mataupu i le taimi nei ua ofoina atu suega i auala fa’atekenolosi e aofia ai La’asaga 1, 2 ma le 3 (Levels 1, 2 and 3) ma o le a tele atu nisi mataupu o fuafua iai mo le lumana’i.
E silia ma le 200 a’oga ma le 20,000 o tamaiti a’oga ua sauni nei e sue suega i auala fa’atekenolosi i le 2019.
Lumana'i
O su’ega i auala fa’atekenolosi o le a ese mai i suega e lomia i pepa, ae tutusa lelei iloiloga i se auala fou.
O tekenolosi o le a aumaia ai le ola oni ata i luga o pepa ma o le a mafai ai e tamaiti aoga ona lagona fesili o faitau leotele mai, fa’apea foi ma le faitauina o ni tusitusiga.