Ko e founga ‘oku ngāue‘aki he ‘etau fānau ‘i he ‘enau ngaahi sivi, kuo liliu; mei he peni mo e pepá ki he fai ‘o e sivi ‘i he komipiutá.
On this page
Ko e hā e me‘a ‘oku tau hiki ai ki he sivi faka‘ilekitulōnika
Ko e mamani ‘oku tau nofo ai ‘oku liliu. Fakautuutu, ko e anga ‘o ‘etau nofó pea mo ngāué, ‘oku takiekina ‘ehe tekinolosia faka‘ilekitulōnika.
Ma‘aē tau fānau to‘utupu, koe fakakakato ‘o e sivi faka‘ilekitulōnika, ‘oku ne tapua mai ai ‘a e founga ‘o ‘etau nofo pea mo e akó. ‘Oku fiema‘u ia ke tau mateuteu ki he kaha‘u ‘o e ngāue‘anga ‘oku malava ke laukonga mo tohi faka‘ilekitulōnika.
Ko e nga‘unu koia ki he sivi faka‘ilekitulōnika, ‘oku ne tokoni‘i kitautolu ke hokohoko atu ‘a e fakatupulaki ‘o e NCEA ke hoko koha me‘a ‘oku fo‘ou, ‘ilo fo‘ou pea mo fakamo‘oni ako ‘oku laulōtaha mo fakatu‘apule‘anga, ‘a ia tene poupou‘i e kau ako ke langa e ngaahi taukei ‘oku nau fiema‘u ke ngāue‘aki e ngaahi me‘a ngāue faka‘ilekitulōnika ‘oku nau ngāue‘aki ‘i he ‘aho kotoa pe.
Ko e hā leva ‘a e ‘uhinga ko eni kiate koe pea mo ho‘o fāmili?
Ko e fakakakato koia ‘o e ngaahi sivi faka‘ilekitulōnika, ‘oku tapua mei ai ‘a e ngaahi founga ‘oku ‘osi fai ‘aki ‘ehe fānau ako. Ko e taukei koia hono ngāue‘aki ‘o e tekinolosia, ‘oku ne teuteu‘i ‘etau fānau ke nau lavame‘a ‘i he kaha‘u ‘o tefito ‘i he fakalalahi hono ngāue‘aki ‘o e tekinolosia faka‘ilekitulōnika, ‘o ‘ikai koe ngāue‘anga pe, ka ‘i he ngaahi fengāue‘aki faka ‘aho kotoa pe.
Ko e kau akó, komiunitī, pisinisi‘ pea mo e tokolahi ‘oku nau tokoni kotoa ki hono fakafaingofua ange ‘o e ako faka‘ilekitulōnika mei he lelei mo faingofua ange ‘aki hano ma‘u mo ngāue‘aki ‘o e me‘angāue faka‘ilekitulōnika pea mo e ‘initaneti ‘i he ngaahi ‘apiako pea mo ‘api‘.
Ko e ngaahi sivi la‘i pepa, ‘e kei hokohoko atu pe ‘a hono fakahoko, lolotonga ia ‘oku fai ‘a e liliu mo e fetongi ‘a e ‘apiako ki he ako faka‘ilekitulōnika‘.
Feitu‘u na‘a tau ‘iai pea mo e feitu‘u ‘oku tau fononga kiai
Kuohili
2002-2004: NCEA na‘e fakahoko ai, ‘o faka fetongi ‘a e School Certificate, Sivi Hū ki he ‘Univesiti, Sivi setifikeiti foomu 6 pea mo e University Bursary qualifications.
2014-2018: Tesi‘i ‘o e sivi faka‘ilekitulōnika pea mo e fānau ako ‘e toko 30,000 mei he lahi taha ko e ‘apiako.
Lolotonga
Ko e lesoni ‘e 21, ‘oku lolotonga fakahoko e ngaahi sivi mei he levelo 1, 2 pea mo e 3, pea ‘oku lolotonga palani mo e ngaahi lesoni kehekehe ki he kaha‘u.
‘Oku laka hake he ngaahi ‘apiako ‘e 200 tupu pea mo e fānau awko ‘e toko 20,000 ‘oku ‘osi fakahū ke nau sivi faka‘ilekitulōnika ‘i he 2019.
Kaha‘u
Ko e ngaahi sivi Faka‘ilekitulōnika ‘e kehe ia mei he la‘i pepa, ‘aia ‘oku ne fakafuofua e ngaahi me‘a ‘oku tatau ‘i ha ngaahi founga fo‘ou.
‘E hā mo‘ui mai ‘a e ngaahi ‘ata ‘i he la‘i pepa ko e ngāue ‘a e tekinolosia pea malava ke fanonga e fānau ako ki he fehu‘i ‘oku lau le‘o lahi, ‘o tatau pe mo e laukonga ‘o ha kongatohi.