Te faiga o sukega a ‘tou tamaliki ko mafuli mai te peeni tusi mo pepa ki te faiga o sukega i komipiuta.
On this page
Kaia ko gasue iei tatou ki sukega fai i komipiuta?
Te lalolagi ko ola tatou iei nei ko mafuli. Te olaga e olagina ne tatou mo ‘tou galuega ko gasolo aka loa o mafulifuli ne fai ne poto i mea tau komipiuta.
Mo talavou a tatou, te fai o sukega i luga i komipiuta e fakaasi iei te vaega olaga ko ola nei iei mo taulotoga i taimi nei. E ‘tau ke toka latou mo te faiga o galuega i taimi mai mua tela e manakogina ke malamalama i mea tau komipiuta.
Te gasuega tenei ki te fai sukega i komipiuta e fesoasoani ki a matou ke tumau te atiake o te NCEA pela me se pepa o taumafaiga e olo tonu mo mafulifuliga o taimi, manatu foou kae ‘pau te ‘lei mo pepa o taumafaiga o fenua o te lalolagi. Ka fesoasoani ki tamaliki akoga o ati ake a te poto mo te atamai e manakogina ne latou mo mea faigaluega ka fakaoga ne latou i aso taki tasi.
Se a te uiga o te mea nei ki a koe mo tou kaiga?
Te fai o sukega ke oti i komipiuta e fakaasi iei te vaega o taulotoga ko fai nei ne tamaliki akoga. Te masani i te fakaoga o poto foou konei e fakatoka ne ia ‘tou tamaliki ke manuia i taimi mai mua tela ka lasi loa ki te fakaoga o poto tau komipiuta, e se gata i koga galue kae i sokotakiga i aso taki tasi.
Faiakoga, komiuniti, pisinisi mo nisi aka e fesoasoani katoa ki te fakafaigofiega o te tauloto i poto tau komipiuta ona ko faigofie atu te maua o mea penei, pena foki te initaneti i loto i akoga mo te fale.
Te faiga sukega e fakaoga pepa ka tumau loa te avanoa i akoga i te vaitaimi tenei koi fai iei te fakamafuliga ki te tauloto i luga i komipiuta.
Tefea te koga ne nofo tatou iei kae tefea foki te koga e olo kiei
Taimi Ko Teka
2002-2004: NCEA ne kamata tela ne sui ne ia te School Certificate, Pepa ulu ki te University (University Entrance), Setifiketi i te Vasega Ono (Sixth Form Certificate) mo te University Bursary qualifications.
2014-2018: Ne ‘tofo sukega fai i komipiuta ne tamaliki akoga e silia i te 30,000 mai te lasiga o akoga.
Taimi Nei
E 21 mataupu e avanoa olotou sukega ke fai i komipiuta i levolo 1, 2 mo te 3 kae e palani ke uke atu a mataupu i tausaga mai mua nei.
E silia atu mo te 200 akoga kae 20,000 tamaliki akoga e fakamau ke fai olotou sukega i luga i komipiuta i te 2019.
Taimi Mai Mua
Sukega i komipiuta ka ‘kese mai sukega i pepa, e sukegina a mea e ‘pau i auala foou.
Poto tau komipiuta ka aumai ne ia se ola ki ata lomi i luga i pepa kae ka mafai foki ne tamaliki akoga o lagona a fesili e faitau ki luga, kae faitau foki ne latou a tusitusiga.