AS 92084

Ko te tauaromahi he tauira mahi ā te ākonga e whakamārama ana i te matū o te paerewa paetae. He mea āwhina i te kaiako ki te kōwhiri whakataunga aromatawai ki te taumata e tika ana.

Download all exemplars and commentary [PDF, 3.2 MB]

Toi Ataata: 1.2 Ngohe A He ringa toi, he ringa rehe (external link) - NCEA.education

Kāre he rauemi i tēnei wā. 

Mō Kaiaka, kua whānui te māramatanga ki ngā tukanga toi ataata a tētahi ringatoi.

Kua whakaatu māramatanga hoki e te ākonga ki te pānga o ngā tukanga toi ataata ki te mahi a te ringatoi.

Tā te ākonga mahi

Kua rangahau te ākonga i tētahi ringatoi nō tōnā rohe, ā, kua whakamārama i āna tukanga toi, arā, ngā tukanga toi o te moko kauae me te mahi peita (5).

Kua rangahau hohonu rawa te ākonga i ngā kōrero tuku iho me ngā tukanga ki te whakamahi i ngā kano whero o Papatuānuku e kiia nei ko te kōkōwai (5).

Kua tautohu te ākonga i ngā tohu taketake māori, ko te mokomoko me te tiki. Kua tātari te ākonga i ēnei tohu taketake i roto i tētahi mahinga toi o te ringatoi kua kowhiria e ia (4).

Kua whakaatu te ākongā i tōnā maia ki te whakamārama i ngā nuka toi me te whakamahi i ngā tae, te ia me te tino aronga o te mahinga toi (4). Ka whakaatu hoki te ākonga i te whaitake o ngā nuka toi i roto i te mahi toi.

Mō Paetae, kua whakaatu te ākonga i tōna māramatanga ki ngā tūkanga toi ataata i runga anō i te horopaki ka tohua hei whai māna.

Kua whakaatu hoki te ākonga i āna māramatanga ki ngā tukanga toi ataata a tētahi ringatoi.

Tā te ākonga mahi

Kua rangahau te ākonga i tētahi ringatoi, ā, kua whakamārama i āna tukanga toi, arā, ngā tukanga toi o te moko kauae me te mahi peita (5).

Kua āta rangahau te ākonga i ngā kōrero tuku iho  me ngā tukanga ki te whakamahi i ngā kano whero o Papatuānuku e kiia nei ko te kōkōwai (5).

Kua tautohu te ākonga i ngā nuka toi (4), te whakamahi i ngā tae me te takotoranga o te mahinga toi. Ka whakaatu hoki te ākonga i tōna māramatanga ki ngā tukanga kia whai tikanga ki te horopaki (5).