Clarification details
He maha rawa ngā kaupapa hangarau hei whakaako ki te whakatutuki i te paerewa nei. Ko te raranga, ko te whakairo, ko te mahi tāruke, ko ngā rākau ā-Tūmatauenga, ko te mahi matihiko me ētahi atu kaupapa. E ai ki te ingoa o te paerewa nei me whakaputa i tētahi hua hangarau hanganga hei whakaea i tētahi take hangarau motuhake. Heoi, me whakaatu te ākonga i te tukanga i whāia ki te whakaoti i te hua hangarau hanganga, arā, ko:
- te tauāki
- te whakahoahoa
- te mahere
- ngā rauemi i whakamahia
- ngā wāhanga i arotakehia, ā, hei whakahōu, hei whakarerekē rānei
- te tuhi kōrero parahau mō ngā panonitanga ki te hua hangarau
- te whakamātau i ngā momo pūkenga me ngā hua (whakairo, raranga, tāruke, kotiate me ētahi atu).
Kia kitea te kounga o te hua hangarau hanganga ka puta.
Hangarau Motuhake
Koinei tētahi take hangarau e whai pānga ana ki te hapori, i tohungia rānei e te ākonga i runga i tana kite i te hira o te take ki te hapori.
Hei tauira 1. Ko te hua hangarau ko te Tāruke. He iwi moana a Ngāti Porou nā tēnā i whai pānga ai te Tāruke ki taua takiwā.
Hei tauira 2. Ko te hua hangarau ko te Harakeke. E raungaiti nei a Ngā Taiātea Wharekura ko tētahi repo, ā, nā tēnā e whai pānga ai te harakeke ki taua kura.
Hua hangarau hanganga
E whakaarohia ana ngā hua pēnei i;
- te hanga taputapu
- te hanga whare
- te whakamahinga o ngā hanga ōkiko, pērā i te karaehe, te maitai, te rākau, te aha atu.
Hei whakamāramatanga:
Tukanga
Ko tikanga ki te whakatakoto mahere, he whakaraupapa whakaaro.
Hanganga
Ko te whakaringaringa, ko te whakatīnanatanga o aua whakaaro.